Moncef Marzouki, mieszkający dzysdnia we Francje, pò ùstąpienim z ùrzãdu je zaangażowóny w kritikã tunezyjsczégò rządu.
W Tunisu, stolëcë Tunezje, zapadłë wëroczi wëdzélu do biôtczi z terrorizmã tamecznégò sztrôfnégò sądu. Wëmierzoné procëm ùszłémù prezydentowi Moncefòwi Marzoukémù, jegò dorôdcë Imedowi Daimiémù i ùszłémù prowadnikòwi palestrë Abderazzakòwi Kilaniémù skôzałë jich na dwadzesce dwa lata sôdzë za sprôwianié zagrôżbów dlô bezpiekù państwa, dokładné òbwinë nie òstałë równak dóné do pùbliczny wiadë. Wërok béł wëdóny przë jich niebëtnoscë w kraju; wszëtcë trzeji pòliticë są dzysdnia na emigracje, skądka zajimają sã midzë jinszima kritiką ternégò prezydenta Tunezje Kajsa Su'ajjida, winowónégò ò aùtoritarné zgrôwë i ògrańcziwanié kòmpentencjów parlamentu. Òpòzycjô docygô, że wërok je strategią jegò rządu na jak nôgòrszé przedstawienié głosów sprocëmniwającëch sã wëszëznóm. Prezydent Su'ajjid cwierdzy równak, że sąd dzejô niezanôleżno òd decyzjów rządu i sóm ni miôł niżódnégò cëskù na proces i wërok. Skôzóny Moncef Marzouki, mieszkający w Parizu, ògłosył, że wërok mô za niewôżny, a zapòwiedzôł, że czedës demòkracjô wrócy nazôd do Tunezje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie