Nôgòrzi w pòmòrsczim wòjewództwie wëpadła Łeba, gdze jaż w szesc barach i restaùracjach inspekcjô nalazła fele w òbsłëdze klijentów.
Z leżnoscë krótkòscë latnëch feriów w òbrëmim òglowòpòlsczi akcje Hańdlowô Inspekcjô Ùrzãdu Òchrónë Kònkùrencje i Kònsumentów przeprowadzëła w całim kraju szescset dwadzesce szesc kòntrolów gastronomicznëch lokalów. W sétmëdzesąt piãc procent placów kòntrolérzë wëkrëlë rozmajité fele, jak niejasné pòdôwanié prizów i wielënów jestkù w zamówienim, felënk infòrmacjów ò dodôwkòwëch òpłatach czë nierzetelnô òbsłëga klijenta. W pòmòrsczim wòjewództwie nalazłë sã dwadzesce sztërë restaùracje, barë i smażalnie, gdze scwierdzoné òstałë przeskùrzenia. Wikszosc z tëch placów bëła w pòpùlarnëch turisticznëch gardach: szesc w Łebie, piãc we Gduńskù, sztërë w Ùstce, dwa w Sopòce, dwa w Wickù i pò jednym w Jantarze, Bëtowie, Jastrzëbi Górze, Pruszczu i Gdinie. Fùlną lëstã tëch lokalów jidze nalezc na internetowi starnie Ùrzãdu Òchrónë Kònkùrencje i Kònsumentów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie