Król Mùhammad òd Alawitów zapòwiedzôł swòje zaangażowanié w rozwij òpòzdzonëch partów kraju i ùprawienié relacjów z Algerią, do czegò wezwôł téż rząd.
Król Maroka Mùhammad z leżnoscë dwadzesti szósti roczëznë wstąpieniô na trón darowôł sztrôfë wnet dwadzesce tësącóm sôdzewëch skôzónëch na dosmiertną sztrôfã abò smierc. Ùłaskawienia na religiowé a państwòwé swiãta są w Marokù czãsté z pòzdrzatkù na przefùlowanié marokańsczich prizów, ale slédnô decyzjô króla Mùhammada òbjimnãła wikszą lëczbã skôzónëch narôz jak czedëlebądz chùdzy. Król wezwôł téż marokańsczi rząd do dzejaniów mającëch rëmnąc regionalné nierównoscë bënë kraju, wskazéwającë, że chòc wiôldżé òstrzódczi przëcygają kapitał ë inwesticje òkòma industrie, machtny part Maroka wcyg òpiérô sã ò gbùrzëznã, rëbaczenié ë turistikã, przez co ni mô szansë pòdwignąc sã z biédë a zacopaniégò. Dôł téż bôczenié na brëkòwnotë ùprawieniô relacjów z Algerią, jakô dzysdnia nie ùznôwô suwerennoscë Maroka i òd dwa tësące dwadzestégò pierszégò rokù nie ùtrzëmiwô z nim diplomaticzny łączbë. Pòdsztrichiwôł, że Algerczików ùznôwô za bracczi nôród, a znôwné narzeszenié wespółrobòtë mô za kluczowé dlô dalszégò rozwiju regionu Maghrebù.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie