28 ùczãstników wzãło ùdzél w VIII Kònkùrsu dlô Gadëszów miona Józwë Brusczégò. 7 gromicznika w Zrzeszë Szkòłów w Lëpińcach bëłno sã bawilë młodi i starszi lubòtnicë kaszëbsczi gôdczi.
Rozegracjô zaczãła sã òd wëstãpù môlowégò karna "Môłé Gôchë", a pózni na binie pòjawilë sã nômłodszi gadëszë. Wedle karna òbsãdzëcelów (Iréna Lew Czedrowskô, Justina Stoltman i Dark Majkòwsczi) nôlepszi w ti kategórii bëlë: 1. Filëp Ceszińsczi (Sp. Sz. w Łubnie), 2. Ameliô Schreiber (Sp. Sz. nr 1 w Czerskù), 3. Aleksandra Fierek (Sp. Sz. nr 1 w Czerskù). Wëprzédnienia: Barbara Januszewskô (Sp. Sz. w Swòrach), Aniela Pażontka-Lipińskô (Sp. Sz. w Brzéznie Szlachecczim), Sebastión Stoltmann (Sp. Sz. w Swòrach).
Westrzód ùczniów kl. 7-8 pierszi môl ùdosta Karolëna Albrecht (Sp. Sz. w Brzéznie Szlachecczim), drëdżi Nadiô Kraùze (Sp. Sz. w Bòrowim Młënie), trzecy Zofiô Malich (Sp. Sz. w Lëpińcach), a wëprzédnienié dostôł Patrik Wałdoch (Sp. Sz. w Bòrowim Młënie).
W kategórii ùstnëch bëłë dwa pierszé place dla Bògdana Rëmón Lipińsczégò i Aleksandrë Dzãcelsczi-Jasnoch. Ta slédnô dostała téż nôdgrodã za nôlepszą aùtorską gôdkã.
Òrganizatorama kònkùrsu bëlë: Spòdlecznô Szkòła i part Kaszëbskò-Pòmòrsczégò Zrzeszeniô w Lëpińcach.
Twoje zdanie jest ważne jednak nie może ranić innych osób lub grup.
Komentarze opinie