Pierszi taczi ùgôdënk w historie nëch pòrtów mô ùsadzëc spòdlé dlô planów nawet na trzëdzescë piãc lat w przódk.
We wtórk dwadzestégò czwiôrtégò czerwińca na kòngresu „Pòlsczé Pòrtë 2030” w Sopòce przedstôwcowie pòrtów Gduńsk, Gdiniô i Szczecëno-Swina pòdpiselë ùgôdënk ò wespółrobòce dlô rozwiju. Pòrtë mają wespółrobic w kwestiach bezpiekù, infrastrukturë i mòdernëch technologiów, co mô pòdwignąc jich pòzycjã w eùropejsczim i swiatowim transpòrce i logistice. Ùgôdënk zakłôdô téż òbrobienié pòspólnégò programù rozwiju pòlsczich mòrsczich pòrtów do dwa tësące trzëdzestégò piątégò rokù, z perspektiwą na dwa tësące szescdzesąti. Òkróm przédnikôw zarządzënów, Dorotë Pëc z Pòrtu Gduńsk, Piotra Gòrzeńsczégò z Gdinie, a téż Jarosława Sergéja ze Szczecëna, bëtny béł przë tim minister infrastrukturë Arkadiusz Marchewka, jaczi pòdsztrichiwôł, że wespółrobòta tëch trzech pòrtów bãdze zwëskòwnô nié leno dlô nich samëch, ale téż dlô państwa i jegò pòzycje w midzënôrodnym hańdlu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie