Alexus Grynkewich na kònferencje w Wiesbaden wskôzôł na wespółrobòtã Rusczi ë Chin w przëtrôfkù ataków na Tajwan, a wierã téż na jedno òd państwów Nordowòatlanticczi Zdrëszënë.
Na òbarny kònferencje w Wiesbaden w Hesje przédny wódca sył Òrganizacje Nordowòatlanticczégò Traktatu w Eùropie generał Alexus Grynkewich òbtaksowôł mòżebnoscë wëstąpieniô globalnégò kònfliktu. Wedle niegò, jeżlë wódca Chin Xi Jinping dô sã na atak na Tajwan, prezydent Rusczi Władimir Pùtin mòże zechcec rëgnąc ze swòjima planama w tim samim czasu. Rzekł, że Zjednóné Stanë i Eùropa mają blós òsmënôsce miesąców na przërëchtowanié sã do òdpòwiescë na mòżebną prowòkacjã. Pòdôwający tã òpiniã niemiecczi „Bild” zmerkôł téż, że w niemiecczim rządze gôdô sã ò tim, co Pùtin nôgwësni pòdjimie zbrojné dzejania procëm jednémù z mniészich państwów Nordowòatlanticczi Zdrëszënë. Pòdôwanié rokù dwa tësące dwadzestégò sódmégò mòże sprawiac nieùbëtk, bò wedle kòmùnikatów państwów sami Zdrëszënë pòwôżnëch òbarnëch mòżlëwòsców przë dzysdniowim pòkrokù militarizacje òna sygnie dopiérze w dwa tësące dwadzestim dzewiątim.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie