Reklama

Głosniczi procëm reżimòwi Kimów znikają

Klëka

05/08/2025 10:55

Prezydent Pôłniowi Kòreje Li Dze Miiung. Aùtór: Korea.net / Korean Culture and Information Service; zdrzódło:https://pl.wikipedia.org/wiki/Lee_Jae-myung#/media/Plik:President_Lee_Jae-myung_2025_(cropped).jpg

Wëszëznë Pôłniowi Kòreji próbùją ùłagòdzëc sztrid, jaczi je widzec midzë jinszima w propagandowi wòjnie z Nordową Kòreją.

W pòniedzôłk czwiôrtégò zélnika rzecznik pôłniowòkòrejańsczégò ministerstwa òbarnë dôł do wiadë, że służbë zaczãłë zdjimac głosniczi pòùstôwióné zdłuż grańcë z Nordową Kòreją. Decyzjô òstała pòdjimniãtô przez prezydenta Li Dze Miunga. Jegò pòprzédca Jun Suk Jeol kôzôł pùszczac z nich propagandowé programë procëm nordowòkòrejańsczémù reżimòwi pò tim, jak łoni w czerwińcu na Pôłniową Kòrejã spadło kòl tësąc balonów nafùlowónëch smiecama i szitã. Kim Dzong Ùn tedë òstrzégôł, że prowadzenié taczi infòrmacjowi biôtczi mòże doprowadzëc do òstri òdpòwiescë z Nordë. Li Dze Miung kôzôł strzëmac nadôwanié programów krótkò pò òbjimniãcym latos ùrzãdu, a terô zdjimanié głosników, co mô bëc skùńczoné do kùńca tidzenia, mô pòdczorchnąc starã Pôłniégò ò narzeszenié dialogù i minimalizacjã kònfliktu z Nordą, z jaką fòrmalno całi czas mô wòjnã.

H.S.Sz.

Źródło i opracowanie własne