Pò roczny przerwie na òbszczãdnoscë inicjatiwa wrôcô z 800 tësącama na inwesticje.
Mieszkańcë gminë Żukòwò zôs bãdą mòglë zgłaszac swòje bédënczi do Òbëwatelsczégò Bùdżetu na rok 2025. Pòprzédny bùrméster Żukòwa Wòjcech Kankòwsczi na zôczątku 2023 rokù ògłosył rezygnacjã z Òbëwatelsczégò Bùdżetu z pòzdrzatkù na pòtrzébã òbszczãdnosców. Terô nowô bùrmésterka Mariola Zmùdzyńskô ògłôszô pòwrót do ti inicjatiwë.
Òd 1. do 20. rujana bãdze szło zgłaszac swòje bédënczi co do inwesticjów w gminie Żukòwò na 2025 rok – dëtczi do wëdaniô to 800 tës. złotëch: 600 tës. na projektë òglowòmiesczé i szôłtësczé, a 200 tës. na òglowògminné. Do 4. rujana jidze téż sã zgłaszac do Kònsultacjowégò Karna Òbëwatelsczégò Bùdżetu.
Twoje zdanie jest ważne jednak nie może ranić innych osób lub grup.
Komentarze opinie