Swiądné narëszenié mòrsczégò teritorium Libie mô bëc sygnalã procëm hańdlarzóm lëdzama.
Napłiw migrantów na Krétã, jaczi w òstatnëch dniach sygnął sétmëset trzëdzescë sztëk òb dzéń, a piãc tësący lëdzy òd zôczątkù rokù, sprôwiô pòczëcé zagrôżbë ù mieszkańców. Lëdztwò òstrowù w dwa tësące dwadzestim pierszim rokù bëło òbrechòwóné na niecałé szescset dwadzesce piãc tësący. Lokalné wëszëznë przenôszają migrantów z ùsadzonëch na dzëkò lôgrów do timczasowëch pùnktów zgrëpkòwaniô, a grecczi rząd wësłôł trzë wòjskòwé òkrãtë w czerënkù teritorialnëch wód Libie, skądka dzysdnia z pòrtów Tobruk i Darna szmùglownicë czerëją bôtë na Krétã. Premiéra Kiriakos Mécotakés przekôzôł, że ten rëch mô dac do zrozmieniô hańdlarzóm lëdzama, że Grecjô nie bãdze dôwała przekraczac swòjich grańców bezkarno, a przesprôwcë nie bãdą decydowelë ò tim, chto sã do Grecje dostónie. Dotądka Grecjô w wespółrobòce z Libią i partnérama z Eùropejsczi Ùnie wëséłała òkrãtë na swój teren, blós pò to, żebë przejimac bôtë migrantów i ùdzelëwac jim pòmòcë, co kùreszce czãsto wëmôgało przewiezeniô jich na Krétã. Nowô decyzjô mòże dołożëc jesz jednégò diplomaticznégò sztridu z Libią, jakô winëje Greków ò narëszanié jich teritorialnëch wód przez wëdobiwanié energeticznëch doczëznów na pôłnié òd Krétë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie