Chto nie pamiãtôł ò céni ë wòdze, tegò to drogò kòształo. Je czëc ò nawetka tësącach zabitëch przez gòrąc.
Òd czile dni pôłniowô i zôpadnô Eùropa cerpi rekòrdowo wësoczé temperaturë, przez jaczé òstrzédżi i doradë pòwëdôwałë tak centralné jak lokalné wëszëznë we Wiôldżi Britanie, Francje, na Iberijsczim Półòstrowie, w Italsce, na Bałkanach czë w Grecje. W Szpańsce pòd kùńc czerwińca òdnotérowóné bëło sztërdzescë szesc gradów, a przez całi czerwińc przez gòrąc zdżinãło trzësta òsmëdzesąt òsób. Wiadła ò lëdzach co ùmerlë przez hëc dochôdają téż z Francje czë Italsczi – bëłë przëtrôfczi knôpa òstawionégò przez òjca w aùtole, dzéwùsa zwiédzającégò Wersal ze starszima, robòtnika òmglałégò pò robòce czë téż bezdomôcëch. W Grecje praga zeszła sã z serią pòżarów w lasach. We Wiôldżi Britanie lékarze bédowelë òdwòłac mùzyczny festiwal w Glastonbury, na jaczi béł przërôczony anielsczi rockòwi mùzyk Rod Stewart. Statistik Pierre Masselot miôł òbtaksowóné, że w dniach òd trzëdzestégò czerwińca do trzecégò lëpińca smierc òd hëcu miała sygnąc przez sztërë i pół tësąca Eùropejczików, z nôwikszą smiertnoscą w Italsce, Chòrwacce, Słowenie i Luksembùrgù.
Twoje zdanie jest ważne jednak nie może ranić innych osób lub grup.
Komentarze opinie