Żëcé dzeckù ùretała jegò gwôsnô chùtkô reakcjô i pòmòc lékarzów.
We wsë Bettiah w stanie Bihar w nordowëch Indiach dwalatny knôpik bawił sã przed chëczą, czej wkòl jegò rãczi òwinãła sã kòbra. Niglë dozdrzeniałi zmerkelë zagrôżbã, dzeckò z całi sëłë ùgrëzło wãża w łep, zabijającë gò na placu. Zarô pòtemù dwalôtk stracył przëtomnosc i òstôł zabróny do bòlëcë. Béł w cãżczim stanie, ale lékarze gò òdratowelë i terô òstôwô pòd òbserwacją w stablinym stanie. Zwierzã nie ùkąsëło knôpika, jinaczi mógłbë nie przeżëc pòtkaniô. W Indiach na wiesczi òbéńdze czãsto dochôdô do ùkąszeniów jadowitëch wãżów, colemało smiertnëch przez felënk przistãpù do chùtczi mediczny pòmòcë.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie