W miono eùropejsczi solidarnoscë Ùniô zapòwiôdô pòmòc dlô krajów òbjimniãtëch skùtkama cyklonu Bòris. Donald Tusk bédëje pòspólné wëstąpienié ò pòmòc.
Prowadniczka Eùropejsczégò Parlamentu Roberta Metsola zapòwiedzała wspiarcé dlô òfiarów zôlewów i retowników we westrzédny Eùropie. „W tim nôgòrszim sztóce òni wszëtcë mùszą ùzdrzec wspiarcé òd Eùropë. Bãdzemë robilë wszëtkò, co mòżemë, żebë zagwësnic jima pòmòc” – zapòwiedza.
Eùropejskô Kòmisjô mòże ùrësznic Fùndusz Solidarnoscë, jaczégò zadanim je pòmòc pò katastrofie. Jak pòdôł rzecznik KE Stefón de Keersmaecker, jesz niżóden krôj dotkłi zôlewama nie wëstąpił z wnióskã ò taczé wspiarcé do Kòmisje. Czas na złożenié wnióskù to dwanôsce tidzeniów òd dnia pierszich ùszkòdów.
Premiéra Pòlsczi Donald Tusk zapòwiedzôł, że bãdze miôł starã wëstãpic z parłãczonym wnióskã ò pòmòc do Eùropejsczi Ùnie w grëpie z szefama rządów Aùstrie, Czesczi, Słowacczi i Rumùńsczi. Je dbë, że pòspólné wëstąpienié bãdze miało wikszi cësk i pòmòże rëchli krëgnąc dëtczi na danié so radë ze skùtkama katastrofë.
Twoje zdanie jest ważne jednak nie może ranić innych osób lub grup.
Komentarze opinie