Mòssad wësmiôł internetowi pòst Abdullaha Gandżégò, òdpichającë òbwinë ò wëzwëskanié òkùltisticznëch métlów w kònflikce z Iranã.
Na swòjim profilu na platfòrmie X irańsczi ùrzãdnik i dôwny redaktór gazétë zrzeszony z Kòrpusã Starżników Islamsczi Rewòlucje Abdullah Gandżi napisôł, że krótkò pò slédnym zawieszenim barnie midzë Izraelã a Iranã, jaczé weszło w żëcé we wtórk dwadzestégò czwiôrtégò czerwińca, na szasëjach Teheranu nalazłé òstało czile żëdowsczich talizmanów w fòrmie papiorów z wëpisónyma na nich czarzëcélsczima merkama. Pòdôł téż, że w pierszim rokù wòjnë w Conie Gazë izraelsczi prezydent Benjamin Netanjahu pòtkôł sã ze znajarzama do sprôw òkùltizmù, a Nôwëższi Wódca Iranu ju czile lat przódë przestrzégôł przed mòżebnoscą wëzwëskaniô nadprzirodzonëch sëłów przez Izrael, w tim jistnotów szlachùjącëch za dżinama. Z òdkrëcama Gandżégò zapòznało sã sto piãcdzesąt tësący òbzérającëch jegò profil, równak redaktór nie pòdôł na nie niżódnégò dokazu. Òficjalné perskòjãzëczné kònto Mòssadu, izraelsczi służbë wëdowiédzë, wërągało òbwinë i napisało, że zażiwanié narkòtików i gôdanié z dżinama nie słëchô òsobóm, jaczé bë miałë rzãdzëc państwã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie