Reklama

Kùńc Mùzeùm Słowiańsczi Mitologie w Òwidzu

Klëka

16/07/2025 12:15

https://owidz.pl/poznaj-nas/muzeum-mitologii-slowianskiej/

Czerownik mùzeùm chce ùsadzëc nowé w jinszim placu, a gmina Starogard stwòrzi na gardzëszczu Centrum Edukacje i Promòcje Słowianiznë.

Mùzeùm Słowiańsczi Mitologie w Gardzëszczu Òwidz w gminie Starogard òprzestónie fùnksnérowac w terny fòrmie. Ògłosył to ùsôdzca i czerownik projektu Radosłôw Sawicczi, jaczi gôdô ò felënkù perspektiwów na rozwij projektu i drãgòscach w dogôdanim sã z wëszëznama gminë. Pòwiedzôł, że szukô za placã na ùsadzenié nowégò mùzeùm, barżi rozbùdowónégò i mòdernégò, chòc wcyg zajimającégò sã słowiańską mitologią. Mùzeùm dotądka bëło jednym z dzejaniów Gminnégò Òstrzódka Kùlturë i Spòrtu Gardzëszcze Òwidz, ale ten ju nie bãdze mógł brëkòwac dotëchczasny pòzwë i logòtipù, bò prawa do nich latos w strëmiannikù bez kònsultacje z gminą òstałë przekôzóné stowôrze prowadzony przez Sawicczégò. Na samim gardzëszczu Òwidz mô pòwstac Centrum Edukacje i Promòcje Słowianiznë pòd nowim czerownictwã. Direktorã placu òd maja je Łukôsz Rocławsczi, jaczi zapòwiôdô ùtrzimanié tradicje.

H.S.Sz.

Źródło i opracowanie własne