Latosô edicjô kònkùrsu wpisywô sã w òbchòdë ùsadzonégò przez KPZ rokù Jerzégò Sampa
Latosô, piãtnôstô edicjô kònkùrsu „Kaszëbi wczora i dzys”, jaczi rëchtëje Mùzeùm Kòscersczi Zemi, pòdjimô témiznã żëcégò i ùtwórstwa prof. Jerzégò Sampa, historika kaszëbskò-pòmòrsczi lëteraturë, dzejarza i aùtora ksążków z legendama i bôjkama. Kaszëbskò-Pòmòrsczé Zrzeszenié, jaczé trzimie patronat nad kònkùrsã, wëbrało tegò dzejarza na patrona rokù 2025. Titel latoségò kònkùrsu to „Szlachama Jerzégò Sampa pò Pòmòrzim, Kaszëbach i Gduńskù”. W kònkùrsu bãdą mòglë wzyc ùdzél ùczniowie klasów 6-8 spòdlecznëch szkòłów z terenu pòmòrsczégò wòjewództwa. Żebë przërëchtowac sã do miónków, mdą mùszelë zetkac sã z lëteraturą ò Jerzim Sampie a téż z jegò gwôsnym ùtwórstwã. Całi kònkùrs mô trzë etapë, a dobiwcowie szesc pierszich placów dostóną rzeczowé nôdgrodë ò parłãczny wôrtnoscë 3000 zł. Fùlny regùlamin kònkùrsu mòże przeczëtac na starnie Mùzeùm Kòscersczi Zemi (https://muzeumziemikoscierskiej.com.pl/edukacja/konkursy/)
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie