Do dobëcô je tësąc złotëch, a pò jedny robòce mòże złożëc kòżdi chto skùńcził szestnôsti rok żëcô.
Kartësczé Centrum Kùlturë razã z samòrządã ògłosëło kònkùrs na projekt loga dlô Kaszëbsczégò Jôrmarkù. Centrum bãdze przëjimało projektë w elektronicznym fòrmace, w farwny ë czôrno-biôłi wersje. Wzyc ùdzél mòże kòżdi, chto ju skùńcził szestnôsce lat, le nieùstny mùszą miec zgòdã starszich. Ni mòże do wëkònaniô robòtë brëkòwac nôrzãdłów sztëczny inteligencje do generowaniô òbrazów. Do dobëcô, òkróm mòżebnoscë ùzdrzeniô swòjégò loga na promòcjowëch materiałach jôrmarkù, je tësąc złotëch. Czas na przesłanié grafików je do òsmënôstégò lëpińca, do trzecy pò pôłnim. Projektowóny merk mô sã parłãczëc z tradicją, rzemiãsłã, szmaką i farwama Kaszub, mô bëc mòderny, klôr i do wëzwëskaniô na plakatach, banerach a téż ruchnach czë becherkach. Drobnotë, regùlamin, zgłoszeniowi fòrmùlôrz i zgòdë są do nalézeniô na internerowi starnie Kartësczégò Centrum Kùlturë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie