Bãdący na Midzënôrodny Kòsmiczny Stacje astronaùcë wrócą na Zemiã dopiérze w przińdnym rokù. Wedle ùczałëch z NASA, pòwrót dodóm w kapsule, jakô jich tam zahalała, rzeszi sã z za wiôldżim niebezpiekã.
W sobòtã 7. séwnika ò gòdz. 6.01 reno najégò czasu kapsuła Boeing Starliner wëlądowała na latawiszczu White Sands Space Harbor w Nowim Meksykù w USA, szesc gòdzyn pò òdłączenim sã òd Midzënôrodny Kòsmiczny Stacje, na jaczi òstelë astronaùcë Butch Wilmore i Suni Williams. NASA zadecydowa ò sprowadzenim kapsułë nazôd na Zemiã bez òbsadë pò wëkrëcym w ni wëcekù hélu (He) i ùszkòdów w mòtórze, krótkò pò tim, jak ta sama kapsuła zahalała pôrã astronaùtów na Stacjã latos w czerwińcu. Jich misjô mia dérowac òsmë dni, le przez nalazłą felã mùszi sã òna przecygnąc na òsmë miesãcy – astronaùcë gwës wrócą na Zemiã w gromicznikù 2025 na kòsmicznym òkrãce Crew Dragon firmë SpaceX.
Misjô Starlinera je pòstãpną próbą dokôzaniô spòsobnoscë kòsmicznëch òkrãtów Boeinga i ùdostaniô zezwòleniégò òd NASA na rutinowé lecbë tëch òkrãtów w kòsmòs. Òstôwiony na Stacje astronaùcë do czasu pòwrotu na Zemiã bãdą zajimelë sã brëkòwnyma badérowaniama. Są w łączbie ze swòjima rodzëznama a téż z NASA, jakô zagwësniwô, że bëtnicë misje są zdrów.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie