Bëlné wiadło dlô lubòtników kaszëbsczi historii, jãzëka i lëteraturë! Dwa lëstë napisóné przez Floriana Cenôwã do Sztefana Ramùłta trafią do Mùzeùm Kaszëbskò-Pòmòrsczi Pismieniznë i Mùzyczi we Wejrowie. Nen nadzwëkòwi darënk dostôł dzysô òd anonimòwégò miéwcë marszôłk pòmòrsczégò wòjewództwa i chce przekazac gò do Wejrowa.
Lëstë bëłë napisóné òdrãczno 2 i 29 lëstopadnika 1880 r. Tikają słowiańsczégò, a przédno kaszëbsczégò pisënkù. Miałë òne cësk na Ramùłta, chtëren czile lat pózni ùsadzył "Słownik języka pomorskiego czyli kaszubskiego".
– Ta niezwykła pamiątka o ojcu narodu kaszubskiego i budzicielu Kaszub jest wyrazem głębokiego poczucia odpowiedzialności za spuściznę przodków, którą chcemy przekazać potomnym – napisôł na starnie www.pomorskie.eu marszôłk Mieczisłôw Struk.
Direktórka wejrowsczégò Mùzeùm Aleksandra Selickô je baro rôd z tegò darënkù i zagwësniwô, że lëstë Cenôwë stóną sã wôżnym dzélã zbiorów MKPPiM, jaczé bãdą przëstãpné dlô zwiedzającëch i badérów.
Òficjalné przekôzanié lëstów Cenôwë do Wejrowa bãdze wierã w strëmiannikù. Na gwës napiszemë najim czëtińcóm ò tim wëdarzenim.
Twoje zdanie jest ważne jednak nie może ranić innych osób lub grup.
Komentarze opinie