Miéwcë aùtołów do niedzelë mògą jezdzëc banama w grańcach pòmòrsczégò wòjewództwa. Dérëje prawie weekend kùnczący Eùropejsczi Tidzéń Mòbilnoscë.
Samòrząd pòmòrsczégò wòjewództwa włącziwô sã w ùczestnienié Eùropejsczégò Tidzenia Mòbilnoscë. W całi Pòlsce przedstôwioné òstałë rozmajité bédënczi, co mają promòwac zbiérny transpòrt. W najim wòjewództwie je òn sczerowóny do miéwców i wespółmiéwców aùtołów – òb trzë dni, òd piątkù 20. séwnika do niedzelë 22. séwnika w banach Polregio a téż Chùtczi Gardowi Banë (SKM) w Trzëgardze sygnie przë kòntrolë bilietów pòkazac registracjowi dokôz (na papiorze abò w aplikacje mObywatel) swòjégò aùtoła, żebë mòc przejachac za darmôka. Ten bédënk dzejô w òbéńdze midzë stacjama Stôré Pòle, Prabùtë, Gardejô, Smãtowò, Człëchòwsczé Bùkòwò, Czôrné, Słoszënkò i Sëcewice. Nie òbjimô aùtołów firmòwëch, pòżëczonëch a leasingòwónëch.
Eùropejsczi Tidzéń Mòbilnoscë je swiãtowóny òd 2002 rokù w dniach 16-22 séwnika. Jegò célã je zôchãcba dlô môlowëch wëszëznów i bùtenrządowëch òrganizacjów do wprowôdzaniô i promòwaniô transpòrtu zbiérnégò, kòłowégò, mùltimòdalnégò, a téż chòdzeniô piechti.
Twoje zdanie jest ważne jednak nie może ranić innych osób lub grup.
Komentarze opinie