Ùrządzenié òstało zamòntowóné z inicjatiwë PCK, jaczé razã z gardã bãdze robiło mòntôż pòstãpnëch ùrządzeniów w pùblicznëch placach.
W przédnym holu bùdinkù banowiszcza w Chònicach òstôł zamòntowóny defibrilatór, jaczi mô służëc retaniému żëcégo w niespòdzajnëch razach. Mòntôż ùrządzeniô je brzadã wespółrobòtë gardu z môlowim partã Pòlsczégò Czerwionégò Krziża, jaczi òd zélnika mô swòjã nową sedzbã w bùdinkù banowiszcza. Òrganizacjô zajimô plac pòmëslóny dlô turisticzny infòrmacje abò bióra rézów. Jizba nie nalazła swòjégò pachtarza i z ti leżnoscë òstała òddónô Pòlsczému Czerwionémù Krziżowi za darmôka.
Wicebùrméster Chòniców Adóm Kòpczińsczi zapòwiôdô, że banowiszcze nie bãdze jedurnym môlã w gardze, gdze z inicjatiwë ti bùtenrządowi òrganizacje òstóną zamòntowóné defibrilatorë. Dérëją òbgôdczi w ti sprawie midzë gardã a przedstôwcama PCK. Bédowóné place, gdze bë szło ùsadzëc pòstãpné defibrilatorë, to Miesczi Sztadión a téż Wòdny Park.
HSz
Twoje zdanie jest ważne jednak nie może ranić innych osób lub grup.
Komentarze opinie