W Bòrëcënie bãdze òrganizowóné szkòlenié z badérowaniô jezórny wòdë. Ti, co òdbierzą certifikat, òb rok bãdą wëzwëskiwelë nowé spòsobnoscë w praktice.
Rëgnãłë zapisë na szkòlenié za darmôka w òbrëmim programù „Wòlontariat dlô jezór”. Centrum Mònitoringù i Òchrónë Wòdów Gduńsczégò Ùniwersytetu w Bòrëcënie bédëje chãtnym trzëdniową nôùkã w dniach 27-29 séwnika ò badérowanim wòdë z jezora na profesjonalny ôrt.
Bëtnicë szkòleniô na kùńc dostóną certifikat, ale téż òsoblëwé zadanié: bãdą mùszelë wëbrac so jeden wòdny zbiérnik i przez nômni rok brac z niegò próbczi wòdë i dokonëwac analizë, jaczi na szkòlenim naùczą jich specjalëscë. Szkòlenié òbjimô wëkładë, prakticzné zajmë, a téż diskùsje.
Szkòlenié òstało przërëchtowóné z dëtków òd Wòjewódzczégò Fùnduszu Òchrónë Strzodowiszcza i Wòdnégò Gòspòdarzënkù. Czerownikã projektu je prof. dr hab. jinż. Julita Dunalskô. To mòże zgłaszac chãc ùdzélu abò w sedzbie CMiÒWGÙ w Bòrëcënie (Bòrëcëno 77), abò na mailową adresã: [email protected].
Program szkòleniégò: https://cmiow.ug.edu.pl/kursy-i-szkolenia/wolontariat-na-rzecz-jezior-edycja-ii/
Twoje zdanie jest ważne jednak nie może ranić innych osób lub grup.
Komentarze opinie