Slédnô z nôdgrodów przëznónëch latos tikô sã makroekònomie.
W pòniedzôłk 14. rujana Królewskô Szwedzkô Akademiô Nôùków ògłosëła dobiwców Nôdgrodë Bankù Szwédzczi m. Alfreda Nobla w ekònomicznëch nôùkach. Tim samim lësta latosëch laùreatów nôdgrodów ùznôwónëch za nôpòczestniészé na swiece òstała zamkłô. Nimò, że nôdgroda w òbrëmim ekònomie nie òstała wëmienionô w testamence Alfreda Nobla, za zgòdą noblowsczégò kòmitetu je òna przëznôwónô bez przerwów òd 1969 rokù.
Dobiwcama latosy ekònomiczny nôdgrodë są Daron Acemoğlu, Simon Johnson i James Alan Robinson, jaczi òstelë wëapartniony za badérowania nad pòwstôwanim institucjów i jich cëskã na dostónk. Nôdgrodzonyma z jinëch wietwiów w tim rokù bëlë: w fizyce Geoffrey Hinton i John Hopfield za òdkrëca ùmòżebniwającé maszinowé ùczenié z ùżëcym neùronowëch jadrów, w chemie David Baker, Demis Hassabis i John Jumper za òbrechòwné projektowanié i przezdrzenié sztrukturë biôłtków, w medicynie Victor Ambros i Gary Ruvkun za òdkrëcé mikroRNA i jegò rolë w regùlacje genów, w lëteraturze Han Kang za mòcką pòeticką prozã, chtërna rozprôwiô sã z historicznyma zrenieniama, a za zasłëdżi dlô miru japòńskô òrganizacjô Nihon Hidankyō za dzejanié dlô swiata wòlnégò òd nuklearny barnie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie