Sankcjô je òdpòwiescą na przëjãti latos kòntrowersjowi ùstôw, szlachùjący za tim, jaczi fùnksnérëje w Rusji òd 2012 rokù.
We wtórk 8. rujana delegatura Eùropejsczi Ùnie w Tbilisi dała do wiadë, że Grëzóńskô stracy 121 mln eùro ùniowi pòmòcë w związkù ze zmniészenim sã w kraju demòkraticznëch sztandardów. Wedle ògłosu òd Eùropejsczi Kòmisje, dëtczi òstóną strzimóné abò przeczerowóné na wspiarcé dlô jinëch krajów. Tikô sã to zaòstałégò, jesz niewëdónégò przez grëzóńsczi rząd dofinancowaniégò za lata 2022-2024. Ta decyzjô òsta przëjimniãtô 3. czerwińca przez rządzącą òd 2012 rokù partiã Grëzóńskô Rojitwa, jaczi slédné dzejania i retorika w slédnym czasu dostałë procëmzôpadnégò zgrôwù. Wedle ÙE i USA ùstôw mô grozëc òbëwatelsczi spòlëznie i wòlnoce mediów. Dokùment pòdskacony szlachòwnyma rozrzeszeniama z Rusczi Federacje zakłôdô registrowanié w òrganach państwa wszëtczich mediów i òrganizacjów, jaczé bë bëłë w co nômni 20% financowóné z dëtków z bùtna kraju.
Dzejania rządzący partie stikają sã ze spòlëznowim sprzecywã i protestama òpòzycje. Kawel Grëzóńsczi Rojitwë a téż sami Grëzóńsczi òstónie rozsądzony na parlamentarny welacje ju 26. rujana.
H.Sz.
Twoje zdanie jest ważne jednak nie może ranić innych osób lub grup.
Komentarze opinie