Niemiecczi rząd pòinfòrmòwôł ò planach òbronë mieszkańców państwa przed wcyg roscącą zagrôżbą islamsczégò ekstremizmù.
Niemieckô mynyster bënowëch sprôw, Nancy Faeser, dała do wiadë, że òd 16. séwnika òstóną wprowôdzoné òstrzészé kòntrole na wszëtczich grańcach kraju. Wstãpno ta zaòstrzonô pòlitika mô bëc prowadzonô szesc miesãcy. Decyzjô òsta pòdjimniãtô w związkù ze skùtkòwnym dzejanim kòntrolów na pôłniowi i wschòdny grańcë, jaczé pòmògłë we wëkrëcym przëtrôfków nielegalny imigracje. Òd 2015 rokù bëlë sprôwdzóny wnożnicë, co przëjéżdżiwelë z Aùstrie, a òd rujana łońsczégò rokù téż ze Szwajcarie, Czesczi i Pòlsczi.
Rząd kanclerza Olafa Scholza dali cygnie próbë daniô so radë z nielegalną imigracją, jakô wedle niemiecczi pùbliczny dbë òstôwô jednym z nôwikszich jiwrów państwa. Pòczëcé niebezpiekù òsoblëwie ùrosło pò smiertnym atakù nożã w gardze Solingen latos w zélnikù, w jaczim trzeji lëdze òstelë zabiti przez Syrijczika, chtëren dzejôł na pòlét tpzw. Islamsczégò Państwa.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie