Turisticznô cona Wònsan Kalma nad Japòńsczim Mòrzã mô przëjimac pò dwadzesce tësący Kòrejańczików.
We wtórk dwadzestégò czwiôrtégò czerwińca wódca Nordowi Kòreji Kim Dzong-Ùn razã z rodzëzną wzął ùdzél w ùroczëstim òdemkniãcym nowégò turisticznégò kùrortu Wònsan Kalma na wschódnym sztrądze kraju. Na môlu, gdze dôwni wille stôwielë so w przédny rédze wësoczi państwòwi ùrzãdnice, stónie skòpicą hotelów, hańdlowëch centrów i restaùracjów, òkróm wiôldżégò gòlfòwégò pòla, sztërëkilométrowégò pieglëszcza i wòdnégò parkù. Całô turisticznô cona mô przëjimac nawetka dwadzesce tësący gòscy. Te infòrmacje pòdôwają nordowòkòrejańsczé agencje, ni mają jak jich pòcwierdzëc bùtnowé zdrzódła. Dlô samëch gòscy – w przédny rédze òbëwatelów – kùrort bãdze òdemkłi òd pierszégò lepińca. Jegò bùdacjô przedłużëła sã ò szesc lat òd piérwi ùmëslonégò terminu. Rządowé media pòdôwają, że ùkòńczenié robòtë i ùprzëstãpnienié gò Kòrejańczikóm dô pòzytiwny cësk na bùtnowi wizerënk państwa jakno placu turisticzno atrakcjowégò.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie