Reklama
Pòdpisóny ùgôdënk na òdnowã wejrowsczégò klôsztoru
13/10/2024 14:06
Parłãcznô dotacjô dlô sedzbë zmiartwëchwstanków òd gardu i rządu to 1 200 000 zł.
Midzë sostrą Marleną Wilmańską ze Zgromadzeniégò Sostrów Zmiartwëchwstanków we Wejrowie a prezydentã Wejrowa Krësztofã Hildebrandtã òstôł pòdpisóny dogôdënk na dotacjã. Chòdzy ò sëmã 1,2 mln złotëch dlô Klôsztoru Zmiartwëchwstanków przë sz. Klôsztorny we Wejrowie. Dëtczi pòchadac bãdą z gwôsnëch strzódków gardu, jak téż z Rządowégò Programù Òdbùdowë Zabëtków. Przë klôsztorze mô bëc òdnowionô elewacjô i wëòzdobë na przódkù bùdinkù, zaizolowóné mają bëc téż fùńdameńtë. Kònserwacjô mô tikac téż żłobinów Matczi Bòsczi Swôrzewsczi Królewi Pòlsczégò Mòrza. Pòdjimniãtô robòta mô ôbarnic klôsztór przed dalszim niszczenim i pòdsztrichnąc jegò architektoniczną snôżotã.
Dëtczi na renowacjã klôsztoru òd rządu òstała przëznónô ju łoni w zélnikù. Wspiarcym òbjãté òstałë téż jiné môle we wejrowsczim krézu, m.jin. Pałacowò-Ògardowé Karno w Chòczewie, jaczémù przëznóné bëło 3,4 mln złotëch.
Reklama
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze