W sëmie projekt Baltic Power zakłôdô, że na Słëpsczim Òsëchù stanie sétmëdzesąt szesc wiétrzników ò mòcë piãtnôsce megawatów.
Na Słëpsczim Òsëchù pòstawilë pierszi z sétmëdzesąt szesc wiétrzników, jaczé mają tam stanąc do kùńca przińdłégò rokù. Cawnô wëszawa wiétrznika razã z fùndamentama to dwasta piãcdzesąt métrów, a sama wieżô mô sto dwadzesce. Turbinë, chtërne na Słëpsczim Òsëchù mają produkòwac sztróm sygający na trzë procent òglowòpòlsczich energeticznëch brëkòwnotów, słëchają do nôwikszich w Eùropie. Nie bãdze jich równak widzec ze sztrądu, bò bãdą stojałë òd dwadzesce do sztërdzescë kilométrów òd niegò, tak tej przë dobrim wiodrze nocą bãdze szło ùzdrzec le zamòntowóné na nich òstrzéżné widë. Stôwiô je Grëpa Òrlen i kanadijsczi producent Northland Power w òbrëmim projektu Baltic Power. Przédnik Òrlenu Ireneùsz Fąfara zapòwiôdô, że inwesticjô w wiatrową energetikã, jakno jedno z nôbarżi efektiwnëch zdrzódłów òdnowny energie, pòmòże w zagwësnienim Pòlsce stabilny a czësti energie, a téż w ùniezanôleżnienim kraju òd cëzégò kapitału.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie