Reklama

Pół tonë narkòtików na pòlsczim òkrãce

Klëka

09/10/2024 18:58

W piątk 4. rujana na brazylijsczich wòdach kòl mòrsczégò pòrtu Sao Luis na pòkładze pòlsczégò masówca „Jawor”, jaczi miôł jachac z ladënkã soji do Szpańsczi, òstało nalazłé pół tonë narkòtików w czilenôsce czôrnëch paczétach.

Zgódno z wersją pòdôwóną przez rzecznika Pòlsczi Mòrsczi Żeglôrczi Krësztofa Gògòla, narkòticzi nalôzł jeden z marénów, chtëren dôł ò tim do wiadë kapténie òkrãtu, a ten wedle prawa pòjinfòrmòwôł dalszé służbë, docygającë, że sprôwcą miôł bëc jaczis narkòtikòwi kartel. Brazylijskô Federalnô Pòlicjô pòdôwała równak z zôczątkù, że nielegalné substancje nalezlë szandarzë, a téż że mają pòmëszlenié ò ùdzélu òbsadë masówca w jich schòwanim.

Reklama

W òbsadze „Jawora” je 20 marénów: Pòlôchów, Ùkrajińców, Bùłgarów i Rumùnów. Jesz jima nie òstałë przedstôwioné òbwinë, ale òd pòniedzôłkù (7. rujana) reno dérëją jich przesłëchë przez szandarów. Są w łączbie ze swòjima rodzëznama, ale rzecznik PMŻ przëznôwô, że wëdowiédzô w ti sprawie mòże zajic dosc tëli czasu. Jesz nie je wiedzec jak dokładno narkòticzi nalazłë sã na òkrãce.

HSz

Czytaj nas w Google

Dodaj do Google

Źródło i opracowanie własne