Claudia Sheinbaum bëła przódë wespółrobòtniczką ùstãpiwającégò prezydenta.
We wtórk 1. rujana na ùrząd 66. prezydenta Meksykù òsta zaprzësygłô 62-latnô Claudia Sheinbaum, jakô òsta pierszą prezydentką w historie tegò kraju. Ùczałô òd klimatu i bùrmésterka gardu Meksykù w latach 2018-2023 òsta wëbrónô na szesclatną kadencjã z remienia lewicowi partie Rësznota Nôrodny Òdrodë, jaką założił dotëchczasny prezydent Andrés Manuel López Obrador, kòl jaczégò Sheinbaum przódë sã trzimała w swòji pòliticzny karierze.
Na inaùgùracjowi przemòwie nowô prezydentka zapòwiedzała, że òb czas ji rządów bãdze pòłożony bôczënk na zmòcnienié prawów białków i ùprawieniô bezpiekù w Meksykù tak dlô òbëwatelów, jak dlô inwestorów zeza grańcë. „Terô je czas transfòrmacje, terô je czas białków!” – gôdała Sheinbaum. Na ceremónie inaùgùracje bëlë prezydencë Brazylie, Chile, Kòlumbie, Bòliwie, Hondurasu, Paragwaju i Kùbë. Nie béł przërôczony król Szpańsczi Filip VI. Na to, bë jegò nie rôczëc nacyskôł López Obrador, jaczi òb swòjã prezydenturã wëwtôrzôł szpańsczémù rządowi, że ten nigdë nie przeprosył za najachùnk Meksykù przez kònkwistadorów w XVI stalatim.
Twoje zdanie jest ważne jednak nie może ranić innych osób lub grup.
Komentarze opinie