Do atakù na żëcé prëmiérë Róberta Ficë w maju łońsczégò rokù doszło w gardze Handlová na wëjazdowim pòsedzenim rządu.
We wtórk ósmégò lëpińca w gardze Banská Bystrica na Słowacce zaczął sã proces Juraja Cintulë, jaczi pòstrzélił premiérã Róberta Ficã w maju łońsczégò rokù, przez co ten béł w zagrôżbie żëcégò. Atakòwnikòwi òstałë przedstawioné òbwinë terrorizmù, za jaczi grozëc mù mòże dosmiertnô sôdza. Przed procesã jegò òbarna bédowała ùgòdową sztrôfã dwanôsce lat sôdzë, le prokùratura sã nie zgòdzëła. Na rozprawie Cintula zwëskôł z mòżlëwòscë môłczeniô, a leno scwierdzył, że ùtrzëmiwô swòje wczasniészé zeznania, a téż że ni mô òsobisti niechãcë do premiérë ani rządu, a sóm atak béł wërazã jegò niezgòdë na dzejania wëszëznów. Òbarna przekazéwała, że atakòwnik ni miôł ùdbóné zrenic premiérë, a blós gò zrenic, chòc rechòwôł sã z mòżebnoscą jegò smiercë. Zapòwiedzała téż, że bãdze miec starã ò zjinakã klasyfikacje czënu z terrorizmù za próbã mòrdarstwa. Na proces nie przëjachôł sóm Róbert Fico, jaczi zapòwiedzôł, że bãdze sã wëpòwiôdôł leno tedë, czedë to bãdze brëkòwné. Òswiôdcził, że wëbacził swòjémù atakòwnikòwi ë mô gò za òfiarã narracje liberalny òpòzycje, a ò wënôdgrodã nie bãdze żorgôł.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie