Òfiara bëła pòwieszonô za nodżi, bitô i pòdpôlonô. Òbwinë ùczëłë trzë òsobë.
W Òkrãgòwim Sądze we Słëpskù rëgnął proces w sprawie mòrdarstwa w Roczicënach w gminie Czôrnô Dąbrówka w maju łońsczégò rokù. Òbskôrżony Adóm C. i Sebastión W. wczas pòtkaniô przë sznapsu na gbùrstwie z Ùkrajińcã Mikołą S. mielë sã z nim pòsztridac ò nieòddóné dłudżi a téż winowac gò ò bëcé szpijoną. Żebë przëmùszëc gò do przëznaniô sã do winë, pòwiesëlë gò do górë nogama, bilë młotkã i mãczëlë, a w kùńcu òblelë benzyną i pòdpôlëlë. Ùkrajińc zdżinął w płomieniach, a jegò cało nalezlë wezwóny ògniarze, czej gasëlë òdżin. Òbwinë ùczëła téż białka Adama C., Sandra, chtërna miała nie pòmòc òfierze i spalëc zapisënczi mònitoringù na gbùrstwie, żebë ùkrëc zbrodniã. Òna i Sebastión W. przëznelë sã do winë, ale ji chłop zaprzékòwôł swòjémù ùdzélowi. Sąd wëłącził jawnosc rozprawë. Chłopóm grozy dosmiertnô sôdza.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie