Reklama

Przësëga Karola Nawrocczégò

Klëka

07/08/2025 21:01

Klub Lewicy - https://www.flickr.com/photos/193098256@N08/54703231616/; zdrzódło: https://pl.wikipedia.org/wiki/Karol_Nawrocki#/media/Plik:Zaprzysi%C4%99%C5%BCenie_Prezydenta_RP_-_06.08.2025_(12).jpg

Chłop ze Gduńska, do niedôwna przédnik Institutu Nôrodny Pamiãcë, ju òficjalno je głową pòlsczégò państwa.


We strzodã szóstégò zélnika w Warszawie za plenarny zalë sejmù ò dzesąti gòdzënie prezydent-elekt Karól Nawrocczi złożił przësëgã przed Nôrodnym Zgromadzenim i wëgłosył pierszą mòwã jakno nowi prezydent Pòlsczi. Zapòwiedzôł że bãdze reprezentérowôł głos pòlsczégò nôrodu procëm sztridóm midzë partiama. Przërôcził rząd na Gabinetową Radzëznã jesz w zélnikù, żebë doznac sã ò stojiznie państwa i òbgadac sprawë nôbrëkòwniészich inwesticjów. Zadeklarowôł rëgniãcé z òbgôdkama perspektiwë przëjãcô nowi kònstitucje w dwa tësące trzëdzestim rokù, a téż przëwrôcanié prawòrządnoscë i biôtkã z łómanim ternégò spòdlowégò ùstawù. Pò ùroczëznach w bùdinkù sejmù i mszë w warszawsczi archikatédrze swiãtégò Jana Chrzcëcéla celebrowóny przez primasa w pôłnié, ò drëdżi pò pôłnim na Królewsczim Zómkù prezydent przëjął wësziństwò nad Òrderã Biôłégò Òrzła i Òrderã Òdrodë Pòlsczi. Pò czwiôrti pò pôłnim na placu Józefa Piłsudsczégò Karól Nawrocczi òdebrôł tczã òd wòjska i wëgłosył przëmòwã przë òrãdzu symbòlicznégò przëjimniãcô wësziństwa nad zbrojnyma sëłama. Za wiertel sódmô bùtnowé ùroczëznë sã skùńczëłë i nowô prezydenckô rodzëzna weszła do Prezydencczégò Pałacu.

H.S.Sz.

Źródło i opracowanie własne