Papiéż Francëszk w trzecym dniu swòji rézë pò Azje i Òceanie brôł ùdzél w zéńdzenim w sprawie religiowégò miru. Brzadã ti gòscënë bëło pòdpisanié pòspólny deklaracje z przedstôwcama jinëch religiów.
W czwiôrtk reno, 5. séwnika w Meczece Istiqlal w Dżakarce, stolëcë Indonezje, przedstôwcowie szesc òficjalno ùznónëch religiów w tim kraju pòdpiselë Pòspólną Deklaracją z Istiqlal, zatitlowóną: „Wspiéranié religiowi harmónie dlô dobra lëdzkòscë”. Jednym z pòdpisëjącëch béł papiéż Francëszk, jaczi je na apòsztolsczi réze pò krajach Azje i Òceanie. Gòspòdarzã tegò midzëreligiowégò zéńdzeniégò béł wiôldżi imam meczetu, Nasaruddin Umar.
Deklaracjô pòdsztrichiwô rolã promòcje religiowëch wôrtnotów w dzejanim dlô zwiksziwaniô ùwôżaniô dlô miru na swiece i lëdzczi wôrtnoscë. Narzesziwającë do zamkłoscë dokùmentu, papiéż gôdôł: „Niech nicht sã nie dôwô òsamãtac fùndamentalizmã i przemòcą, a miast tegò niech kòżdi bãdze òczarzony rojitwą ò wòlny, bracczi i mirny spòlëznie a lëdzkòscë!”.
Wiôldżi imam pòdsztrichiwôł znaczenié wëdarzeniô wskazéwającë na wpłiw Meczetu Istiqlal na Idnonezjã jakno krôj ò nôwikszi wielënie lëdztwa spòmidzë wszëtczich mùzelmańsczich krajów.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie