Kandidat repùblikanów je zdrów, a niedoszłi atakòwnik òstôł złapóny. Służbë doznałë sã kògùm je – ju przódë miôł jiwrë z prawã.
W niedzelã 15. séwnika krótkò gòlfòwégò klubù Donalda Trumpa na Floridze agencë Secret Service zòczëlë zachrósconégò w krzach chłopa z maszingewérą AK-47. Kandidat repùblikanów na prezydenta USA grôł tedë w gòlfa kòl 300-500 m dali. Pò czile òstrzéżnëch strzélach òd agentów, atakòwnik zwiornął, òstôwiającë na placu swòjã barniã, dwa rubzaczi i kamerã go-pro. Òstôł chùtkò zatrzimóny. Prezydentowi nick sã nie stało.
Pòlicjô rozpòznała zatrzimónégò. Miéwcą karabinu je mieszkający na Hawajach a pòchôdający z Nordowi Karolënë 58-latny Ryan Wesley Routh. Ten chłop ju przódë dostôwôł wëroczi, m.jin. za kradzélstwò, miectwò maszingewérë a téż ùcék z môlu aùtołowégò wëpôdkù. Béł téż sparłãczony z òrganizacją zacãżnëch militarnëch karnów do biôtczi na Ùkrajinie.
Sztab Trumpa dôł do wiédzë, że jich kandidat je w bezpiekù. Prezydent Joe Biden i wiceprezydentka Kamala Harris rzeklë, że są rôd z chùtczi reakcje agentów Secret Service. Pòdsztrichnãlë, że na niżódnã pòliticzną przemògã w Americe ni mòże bëc zgòdë.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie