Na szasëjach gardu Anchorage òb wizytã Pùtina rzmë lëdztwa protestowałë procëm dzejanióm Rusczi wedle Ùkrajinë, machającë ùkrajińsczima fanama i wzéwającë do skùńczeniô wòjnë pò sprawiedlëwòscë.
W piątk piãtnôstégò zélnika w Anchorage na Alasce doszło do pòtkaniô prezydentów Władimira Pùtina i Donalda Trumpa. Przédną témą rozmów miało bëc ùgôdanié zawieszeniô barnie i skùńczeniô wòjnë Rusczi z Ùkrajiną. Do tegò wódcë przez trzë gòdzënë pòtkaniô nie doszlë, le Trump òbtaksowôł, że òstôł zrobiony machtny pòkrok i dali rozwij wëdarzeniów bãdze zanôlégôł w przédny rédze òd prezydenta Ùkrajinë Wòłodimira Zełeńsczégò, jaczémù òn radzy, żebë dôł sã na negòcjacje. Drobnotë co do tegò, w czim dokładno prezydencë sã pòrozmielë, nie òstałë pòdóné. Amerikańsczi prezydent zapòwiedzôł téż, że dosc chùtkò mòże sã spòdzewac pòtkaniô Pùtina z Zełeńsczim, przë jaczim òn sóm téż mô bëc bëtny. Pùtin przekôzôł, że wedle niegò pòtkanié miało kònstruktiwny ùstôw nawzôjnégò ùwôżaniô. Dôł do wiadë, że Ruskô Federacjô je fertich robic nad tim, żebë Ùkrajina bëła bezpiecznô, a je téż zainteresowónô tim, żebë rozrzeszenié sztridu z Ùkrajiną zagwësniło mir na dłudżi czas, le do tegò je nót rëmniãcô pierwòsznëch przëczënów sztridu. Trumpòwi miôł przekazac, że zgôdzô sã z tim, że czejbë to òn, a nié Joe Biden béł prezydentã w dwa tësące dwadzestim drëdżim rokù, do eskalacje sztridu na Ùkrajinie bë nie doszło. Zabédowôł téż amerikańsczémù wódcë pòstãpné pòtkanié, na jaczégò plac wskôzôł Mòskwã.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie