Astronaùcë Roskòsmòsu Kònonienkò i Czub pòbilë dwa rekòrdë òb czas jedny misji na Midzënôrodny Kòsmiczny Stacje
W pòniedzôłk 23. séwnika ò gòdz. 13.59 najégò czasu kapsuła Sojuz MS-25 wëlądowała na stepach Kazachstanu. Z Midzënôrodny Kòsmiczny Stacje wrócëlë astronaùcë Roskòsmòsu Òleg Kònonienkò i Nikòłôj Czub, a téż astronaùtka NASA Tracy Dyson. Kònonienkò i Czub pòbilë rekòrd nieprzerwónégò bëcégò na Midzënôrodny Kòsmiczny Stacje – bëlë tam 374 dni. Na ti misje szescdzesątlatny Kònonienkò pòbił téż rekòrd Gienaddija Padałczi w łącznym czasu przebëtim w kòsmòsu – nowi rekòrd to 1111 dni òb szesc lëcbów. Towarzącô rekòrdzystóm Amerikónka wrócëła ze Stacje pò szescmiesãczny misje.
Roskòsmòs planëje wëcopanié sã z misjów na Midzënôrodny Kòsmiczny Stacje i szukô za wespółrobòtą z krajama Azje, Africzi i Blësczégò Wschòdu, cobë wëprowadzëc na òrbitã nową, niezanôleżną kòsmiczną stacjã. NASA jinfòrmùje, że robòta Midzënôrodny Kòsmiczny Stacje pòdérëje do 2030 rokù, a pòtemù òbiekt òstónie spùszczony na dno Pacyfikù.
Twoje zdanie jest ważne jednak nie może ranić innych osób lub grup.
Komentarze opinie