Młodi z 12 kòscérsczich szkòłów pùdą na miónczi ò mandatë do młodzëznowi radzëznë, chtërna swòjima bédënkama bãdze wspiérała dzejanié samòrządu.
W piątk 31. stëcznika Mieskô Welownô Kòmisjô w Kòscérznie w òswiôdczenim pòdała lëstë zaregistrowónëch kandidatów na radnëch do Młodzëznowi Radzëznë Miasta Kòscérzna. Ten doradczi òrgan wëszëznów gardu znowi swòje dzejanié pò sztërzech latach. Na lëstach je 48 ùczniów klas VI-VII spòdlecznëch i I-III wëżispòdlecznëch szkół z grańców Kòscérznë. W dniach 1-9 gromicznika w szkòłach bãdze warała welownô kampaniô, welacje w 12 òkrãgach bãdą przeprowadzoné w pòniedzôłk 10. gromicznika, a wëniczi mdą pòdóné do 13. gromicznika. Warënkama przëstąpieniô do welacjów jakno kandidat bëło zamieszkanié w Kòscérznie, co nômni dobrô nóta z zachòwaniô za slédné półroczé, ùkòńczenié 13. rokù żëcô i chòdzenié do szkòłë i klasë òbjimniãti nabiérã kandidatów. Kòżdi kandidat startëje w swòji szkòle jakno welownym òkrãgù. Dobiwcë bãdą mielë òrãdz przez całą kadencjã radzëznë brac ùdzél w dialogù midzë wëszëznama gardu a młodima.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie