Zwënégã Helsynkóm zagwësniło zwikszenié limitów chùtkòscë i zwãżenié szasëjów.
Przez dwanôsce miesący na szasëjach Helsynków nie bëło niżódnégò smiertnégò wëpôdkù. Wëszëznë fińsczi stolëcë ùznałë to za sukces, jakno że to dô kòl półtora milióna lëdzy, jaczi w òbéndze fińsczi stolëcë mieszkają abò co dzéń do ni dojéżdżają do robòtë. Slédny szlachòwny wënik béł w dwa tësące dzewiãtnôstim, czej przez całi rok w Helsynkach nie zdżinął na szasëjach niżóden pieszi ani kòłownik. Roni Ùtrainen, inżiniéra drogòwi rësznotë z helsyńsczégò Wëdzélu Miesczégò Strzodowiszcza, cwierdzy, że ùdało sã to òsygnąc midzë jinszima dzãka ògrańczenióm chùtkòscë. W wikszoscë mieszkalnëch òbéńdów ògrańczenié òstało zjinaczoné ze sztërdzescë kilométrów na gòdzënã do trzëdzescë, pò tim jak ùjawnioné òstałë pòdôwczi, wedle jaczich takô różnica zwiksziwô prôwdoszlachòwnosc przeżëcô pieszégò w zderzenim z aùtołã ò pòłowã. Miesczi ùrzãdnicë zaczãlë wprowadzac limit do trzëdzestczi òd dwa tësące dwadzestégò pierszégò. W gardze zaczãlë téż zwãżëwac szasëje, żebë czerowcë czëlë sã mni gwësno i barżi ùwôżelë przë czerowanim aùtołã. Fińskô agencjô bezpiekù drogòwi rësznotë pòdała, że te zmianë dorazu zmniészëłë lëczbã smiertnëch òfiarów.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie