Òbsãdzëcele mùszelë wëbrac dobiwców spòmidzë trzëdzescë dwùch artistów z Pòmòrzégò.
Rozrzeszony òstôł latosy Kònkùrs Lëdowégò Kùńsztu miona Józefa Chełmòwsczégò. Rozdanié nôdgrodów w ti ju czwiôrti edicje kònkùrsu bëło na galë wew Brusach. Zgłoszoné bëło sto szescdzesąt jeden ùsôdzków òd trzëdzescë dwùch artistów. Przed ògłoszenim dobiwców wëbrónëch przez òbsãdzëcelów, za trójny ùdzél wszëtczim pòdzãkòwół bùrméster Brus Witold Òssowsczi. Za wrazlëwòsc na kùńszt i fòlklor pòdzãkòwała téż Éwa Rudnik, córka patrónë kònkùrsu dzejającô w Fùndacje miona Józefa i Jadwidżi Chełmòwsczich. Przédnô nôdgroda piãc tësący złotëch trafiła do żłobiôrczi Irénë Brzesczi. Pierszé placë ex aequo dostelë Jerzi Dorawa i Stanisłôw Janikòwsczi, drëdżé Ana Flis i Kristina Malk, a trzecé Janusz Drapała, Zygmùnt Kãdzersczi ë Róman Zemey. Wszëtcë artiscë wëkôzelë wiôlgą rozmajitosc w wëzwëskónëch stilach i technikach. Wespółòrganizatorama kònkùrsu bëłë: gmina Brusë, Centrum Kùlturë i Bibloteczi miona Jana Kôrnowsczégò wew Brusach i Zôpadnokaszëbsczé Mùzeùm w Bëtowie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie