Znowienié zamkłi przed czwierc wiekù linie mô sã przësłëżëc bùdacje atomòwi elektrownie w gminie Chòczewò.
Pòlsczé Banowé Linie ògłosëłë rozrzeszenié ùtrôpù na mòdernizacjã linie Kartuzë-Sërakòjce-Lãbórg. Pòznańsczi Torpòl dôł bédënk szescset dwadzesce piãc miliónów złotëch brutto i to prawie ta firma zajimie sã inwesticją, wpisóną w zawiarti w rujanie Banowi Pakt dlô Pòmòrzégò. W priz wpisónô je dokùmentacja i sama robòta. Pòzwa projektu, „Zagwësnienié banowégò przistãpù do atomòwi elektrownie Lubiatowò-Kòpalëno” zamerkiwô ùdbóny przédny cél inwesticje. Czas ji realizacje mô sygnąc trzëdzescë miesący òd zawiarcô ùgôdënkù. Banë bãdą jachałë pò ti sztréce z chùtkòscą do sto dwadzesce kilométrów na gòdzënã, a przewòzëc bãdą nié blós pasażérów, le téż materiałë do bùdacje elektrownie. Liniô Lãbórg-Kartuzë òprzestała dzejac dwadzesce piãc lat dowsladë.
Twoje zdanie jest ważne jednak nie może ranić innych osób lub grup.
Komentarze opinie