Òrganowô i kameralnô mùzyka w wëkònanim artistów z kraju i zeza grańcë rozbrzëmi pò sétmë kòscołach westrzédnëch Kaszëb.
Przez całé latné ferie w sétmë môlëznach w òbjimie Kaszëbsczégò Krôjmalënkòwégò Parkù w tamecznëch kòscołach bãdą zrëchtowóné òrganowé kòncertë w òbrëmim festiwalu zatitlowónégò „Kaszëbsczi Òrganë”. Je to pierszô edicjô tegò festiwalu, òrganizowónégò przez Stowôrã Laudate Arte. Òferta festiwalu mô bëc sczerowónô tak dlô mieszkańców Kaszub jak dlô turistów. Grónô bãdze nié blós òrganowô mùzyka, bò wëstąpią téż artisce na trąbce, saksofònie, skrzëpicach, fléce i fagòce. W sëmie bãdze szło ùczëc sétmënôsce wëkònôwców z Pòlsczi, Madżarsczi i Pòrtugalie. Festiwal zacznie sã i zakùńczi w kòscele pòd wezwanim sw. Józefa w Łątczińsczi Wigòdze, a cygnął sã bãdze òd czwiôrtkù trzecégò lëpińca do czwiôrtkù dwadzestégò ósmégò zélnika. Òkróm Wigòdë artistów ùgòscą téż parafie w Gòwidlënie, Swiónowie, Stãżëcë, Mirochòwie, Hopòwie i Szimbarkù. Wszëtczé kòncertë zaczënac sã bãdą ò sódmi wieczôr, a dokładné dni i lëstã artistów jidze òbaczëc na plakatach, internetowëch starnach parafiów, a téż na spòlëznowëch mediach Stowôrë Laudate Arte.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie