Nabiwcë zrabòwónëch télefònów bëlë przë tim, jak atakòwniczka pòbiła jich miéwcã. Bëlë szlachòwno spiti.
W piątk dwadzestégò czerwińca òb dzéń w centrum Słëpska doszło do atakù sztërdzescësztërëlatny białczi na chłopa, jaczi so szpacérowôł pò deptôkù. Jidącô naprocëm niegò atakòwniczka gò przewrócëła, a tej biła i kòpała pò głowie jaż chłop nie stracył przëtomnoscë. Tedë przesznëkrowała jegò czeszenie i zabrała mù dwie mòbilczi, chtërne pòtemù przedała dwùm towarzącym ji chłopóm. Razã z nima zwiornãła z placu, le ju cziledzesąt minut pózdni cała trójka òstała zatrzimónô przez szandarów, jaczich dorazu wezwelë swiôdkòwie atakù. Mielë pò dwa promile alkòholu w krëwie. Òstelë zabróny jaż przińdą do se, a tej pòstawioné jim bëłë òbwinë. Białka za rozbój mòże trafic do sôdzë na piãtnôsce lat, a ji pòmagérze na piãc lat za kùpanié ùkradłëch mòbilków.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie