Reklama

Strzelinga w RPA òb czas familiowégò zéńdzeniô

Klëka

30/09/2024 12:46

Ze swiata, Strzelinga familiowégò zéńdzeniô - zdjęcie, fotografia

W rodzëznie, jaczi nôleżnicë łoni bëlë òfiarą dwùch ataków, jednégò wieczora sétmënôsce lëdzy òstało zastrzélonëch. Służbë szukają za atakòwnikama.

W piątk wieczór w gardze Lusikisiki w Repùblice Pôłniowi Africzi doszło do dwùch strzelingów. W dwùch chëczach na przedgardzym zdżinãło 17 sztëk lëdzy, w tim 15 białków i 2 chłopów. To bëlë krewny i sąsadowie, jaczi rëchtowelë sã do żałobny ceremónie pò matce i córce, chtërne òstałë zamòrdowóné łoni. Òd wszëtczich lëdzy, co bëlë w dwùch dodomach przeżëło piãc dozdrzeniałëch i dwamiesãczné dzeckò. Terô dérëje szëkba za sprôwcama atakù. Jich mòtiwë nie są znóné. Nie je téż wiedzec, kùli lëdzy brało ùdzél w strzelindze. Môlowé służbë docygają, że atakòwnicë dobrze znelë tã rodzëznã, jakô łoni stracëła sztërzech nôleżników w dwùch atakach.

W pierszich szesc miesącach 2024 rokù w RPA wedle òficjalnëch statistików doszło do wicy jak 27 tës. mòrdarstwów, nôwicy z ùżëcym strzélny barnie. Chòc prawò do ji miectwa je w tim kraju baro ògrańczoné, to òstôwô to blós na papiorze – wikszi part strzélny barnie ùżiwóny przez òbëwatelów je niezaregistrowóny.

Czytaj nas w Google

Dodaj do Google

Źródło i opracowanie własne