Atakòwnik chcôł ùderzëc w bióro amerikańsczi Nôrodny Lidżi Fùsbalë, chtërnã winowôł ò tôkle z psychicznym zdrowim.
W pòniedzôłk dwadzestégò ósmégò lëpińca wieczór przëjachóny z Las Vegas do Nowégò Jorkù dwadzescesétmëlatmy Shane Tamura, chłop z historią psychicznëch chòrosców, weszedł do jednégò z chmùrników na Manhattanie z długą barnią. Dorazu sprawił ùrzas w dzejającym na parterze hotelu. Zaczął strzelac do lëdzy, zabijającë midzë jinszima jednégò szandarã. Pòtemù rëgnął do tricë, czerëjącë sã na trzëdzesti trzecy szos i zabijającë pòstãpną òsobã. Dojachôł do bióra firmë Rudlin Management, gdze òdebrôł sobie żëcé przez strzél w piers. W sëmie razã z nim zdżinãło piãc òsób. Przë jegò cele służbë nalazłë nótkã, w jaczi napisôł, że za swòje psychicznë jiwrë winëje Nôrodną Ligã Fùsbalë, bò jakno nôscelôtk dostôł ùrazów głowë òd graniô w młodzëznowi lidze. Nôgwësni jegò célã bëła sedzba prawie Nôrodny Lidżi Fùsbalë w tim samim bùdinkù, ale wsôdł do lëchi tricë. Atakòwnik miôł pòzwòlenié na barniã.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie