50 ridowników, wicy jak 1000 òbzérôczów, a do te pôrãdzesąt rekònsztruktorów wzãło ùdzél w X Hùbertusu, w Stadninie Kòni Kòlano.
Nad Òstrzëcczim Jezorã w dzéń swòjégò patrona – sw. Hùberta – swiãtowelë lubòtnicë kòniów. Nôprzód jezdzëlë pò lasach wkół Wieżëcë, pózni bëłë gòńbë za lësã, jaczé są przëbôczenim, że Hùbertus to pòspólné swiãto ridowników i jachtarzów.
Òb czas rozegracji w Kòlanie swiãtowelë téż roczëznã ùsadzeniô Kaszëbsczégò Szwadronu Kawalerii, dlôte wôżnym pùnktã tegò Hùbertusa bëła historicznô rekònsztrukcjô – Samòstójnô Òdtwòrzeniowô Grëpa Pòmòrzé przëbôczëła wëjimk historii majora Henrika Dobrzańsczégò „Hubala”. Bëłë kònie, mòtocykle, cãżarowi aùtół, barniô z tegò czasu, pirotechnikã, a nawet fliger.
Wszëtkò skùńczëło sã pòspólną bieszadą.
MB
Twoje zdanie jest ważne jednak nie może ranić innych osób lub grup.
Komentarze opinie