Na Pòmòrsczi Galë Letczi Atleticzi wëapartnionëch òstało wicy jak dwasta lëdzy, karnów i firmów, chtërny dopòmòglë rozsławic región dzãka spòrtowi.
W pòniedzôłk dzesątégò gromicznika we Widzawiszczowi Zalë miona Lubòmira Szopińsczégò w Kòscérznie bëła zòrganizowónô Pòmòrskô Gala Letczi Atleticzi, na jaczi pòdrechòwóné òstałë pòmòrsczé spòrtowé dobëca w łońsczim rokù. Rozegracjã òdemknął Jarosłôw Scygała, przédnik Pòmòrsczégò Òkrãgòwégò Związkù Letczi Atleticzi, chtëren chwôlił lokalné spòrtowé karna jak Remùs Kòscérzna, ÙSK Lëpùsz czë Òlimpijczik Skòrzewò, a téż spòrtowców jak Werónika Lizakòwskô, Òlimpiô Bréza czë Patrik Dobk. Przëbôcził téż ò òdemkniãcym łoni w Kòscérznie nowégò letkòatleticznégò sztadionu. Wespół ze Związkã galã òrganizowało téż miasto, jaczé reprezentowôł bùrméster Kòscérznë Dawid Jereczk, jaczi zagwësnił ò wspiarcym samòrządu dlô propagòwaniô i rozwiju spòrtu jakno inwesticje w zdrowié i integracjã. W sëmie na galë nôdgrodzonëch i wëapartnionëch òstało przez dwasta spòrtowców, trenerów, karnów, dzejarzów, samòrządówców i dobrzińców, chtërny mielë cësk na rozwij pòmòrsczi letczi atleticzi. Gala bëła pòdzelonô na part kòscersczi i wòjewódzczi. Wszëtczim achtnionym winszëjemë dobëców!
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie