Wedle zagwësnieniów Trumpa, òd terô za jeden-dwa tidzenie bãdze wiedzec, czë ruskò-ùkrajińską wòjnã ùdô sã skùńczëc.
W pòniedzôłk òsmënôstégò zélnika do Biôłégo Dodomù zjachelë eùropejsczi wódcë, żebë razã z prezydentã Zjednónëch Stanów ùgadac gwarancje bezpiekù dlô Ùkrajinë, jaczé mają bëc przedstawioné Ruskóm przë leżnoscë dalszich negòcjacjów w sprawie miru abò zawieszeniô barnie. Przëjachelë prezydent Ùkrajinë Wòłodimir Zełeńsczi, prowadniczka Eùropejsczi Kòmisje Ursula von der Leyen, kanclérz Niemiec Friedrich Merz, prezydent Francje Emmanuel Macron, premiérka Italsczi Giorgia Meloni, prezydent Finlandie Alexander Stubb, generalny sekretéra Nordowòatlanticczi Zdrëszënë Mark Rutte i premiéra Wiôldżi Britanie Keir Starmer. W czasu pòtkaniô Trump zrobił téż sztërdzescëminutową przerwã, òb jaką zazwònił do Władimira Pùtina, żebë òbgadac kwestiã trzëstarnowégò pòtkaniô z ùdzélã prezydentów Ùkrajinë, Rusje i Zjednónëch Stanów. Gôdczi w Waszingtonie bëłë cygniãté dali w jinym fòrmace. Wëchôdô z nich, że Ùkrajinie mają bëc zagwësnioné gwarancje bezpiekù szlachùjącé za rozrzeszeniama Nordowòatlanticczi Zdrëszënë. Zdôwô sã, że kwestiô zawieszeniô barnie, nimò nacësków na tã témã ze starnë kanclerza Merza i prezydenta Macrona, nie je ju przédną ambicją Trumpa ani Zełeńsczégò, a ùgôdanié z Rusją co do zjinaczi teritoriów mô bëc naczerowóné na stójny mir.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie