Za wespółrobòtã ze służbama pòlitik dostôł zawieszenié wëkònaniô wërokù, ale alternatiwą je leno dosmiertnô sôdza.
We strzodã szesnôstégò lëpińca chińsczé państwòwé media dałë do wiadë, że ùszłi sekretôrz Kòmùnisticzny Partie Chin w Tibece Wu Yingjie za kòrupcjã òstôł skôzóny na smierc. W sëmie òd dwa tësące szóstégò do dwa tësące dwadzestégò pierszégò rokù pòlitik na rozmajitëch stanowiszczach miôł przëjic trzësta sztërdzescë trzë miliónë juanów pòdpłacënkù, co je równoznaczëną sto sétmëdzesąt piãc miliónów złotëch. Wedle sądu jegò dzejania narazëłë państwò na znaczącé stratë. Ùrzãdnik równak przëznôł sã do winë, wespółrobił ze służbama, przekôzôł nieznóné dotądka faktë i zwrócył part wzãtégò pòdpłacënkù. Dzãka temù sąd ùznôł, że wëkònanié sztrôfë mòże bëc mù zawieszoné na dwa lata. Wu Yingjie wcyg równak tracy wszëtczé pòliticzné prawa, a jegò majątk òstôł namieniony do kònfiskatë. Jeżlë przez dwa lata sąd nie pòdtrzimô wërokù, pòlitik mòże rechòwac na zjinakã sztrôfë na dosmiertną sôdzã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie