W Japònie pòwieszony òstôł mòrdôrz z gardu Zama kòl Tokio, jaczi przez Internet bédowôł „pòmòc” lëdzóm z sãzabijnyma mëslama.
W Japònie pò trzech latach przerwë wëkònónô òstała sztrôfa smiercë. Przesprôwcą, jaczémù jã namienilë, béł trzëdzescësztërëlatny Takahiro Shiraishi, skôzóny sztërë lata nazôd, zwóny „mòrdarzã z Twittera”. Na ti spòlëznowi platfòrmie Shiraishi pòznôwôł lëdzy, jaczi mielë sãzabijné mëslë, w przédny rédze młodé òd piãtnôsce do dwadzesce szesc lat stôré dzéwùsë i białczi. W dwa tësące sétmënôstim rokù dzewiãc òfiarów przërôcził do sebie dodóm, gdze je zabił – wedle linie òbrónë na jich gwôsną żëczbã – a tej rozrąbił jich cała i pòchòwôł sztëczczi pò lodownicach. Wërok na nim òstôł wëkònóny przez pòwieszenié. Minister sprawiedlëwòscë Keisuke Suzuki dôł do wiadë, że kôzôł zjiscëc sztrôfã pò bôczlëwim przëzdrzenim sã sprawie. Spitóny przez zagrańczné media ò eticzné wątplëwòscë co do sztrôfë smiercë, pòdôł, że òsmëdzesąt procent òbëwatelów Japònie je zgòdą za ji ùtrzimanim.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie