Dwòje atakòwników weszło na teren firmë z długą barnią. Pò zabicym sztërzech lëdzy sami zdżinãlë.
We strzodã 23. rujana doszło do terroristicznégò atakù na sedzbã słëchający państwù latawiznowò-òbarnowi firmë TUSAS krótkò Ankarë, stolëcë Tërecczi. Grëpa atakòwników pòdjacha pòd bùdink taksówką, a pò zdetonowanim bómbë przed brómą dwaji nôleżnicë grëpë wlezlë bënë ùzbrojony w długą barniã. Na skùtk strzélindżi sztërzech lëdzy zdżinãło, a sztërnôsce bëło renionëch. Dwaji strzélcë òstelë zabiti przez służbë bezpiekù – jednym z nich bëła białka. Robòtnicë firmë, chtërny przeżëlë, òstelë zabróny do tacówków, z jaczich nie wëchôdelë przez czile gòdzyn.
Atak pòtkôł sã z chùtczima kòmentarzama òd tërecczich wëszëznów a téż jinëch państwów, jaczé gò pòtãpiłë. Prokùratura zaczãła szëkbã za całą grëpą, jakô brała ùdzél w przërëchtowanim atakù. Minyster Bënowëch Sprôw Tërecczi Ali Yerlikaya docygô ùdzél biôtkarzów òd separatisticzny Partie Robòtników Kùrdistanu, ùznôwóny za terroristiczną òrganizacjã w Eùropejsczi Ùnie. Jinszé partie, w tim pro-kùrdijskô Lëdowô Partiô Równoscë i Demòkracje, pòtãpiłë akt terroristiczny przemòcë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie